Veivuke o NJV ena Vuli

E mai veivuke na Namosi Joint Venture (NJV) vei ira e 100 na gonevuli mai na veikoronivuli torocake mai na Yasana Vakaturaga o Namosi kei na Tikina o Waidina, Naitasiri me tiki ni nona Porokaramu ni Veivuke ena Vuli me baleta nai matai ni wasewase ni vuli, 2013.

Na levu ni i lavo e vagolei ki na veivuke me baleta na i wasewase oqo e $130,000.
Ena loma ni 4 na yabaki sa oti e sa mai solia rawa o NJV e $800,000 me baleta na Porokaramu ni Veivuke ena Vuli.

Kaya na Manidia Levu ni NJV o Greg Morris ni veivuke ni vuli kei na vuli-tara e usutu ni nona veiqaravi na Kabani.

“Na vuli vinaka e bucina na veika vinaka me baleta na veisiga ni mataka vei ira na ciqoma ka na drodrovi ira yani na lewenivanua. E vakabauta vakalevu o NJV na bibi ni vuli kei na vuli-tara, kei na veika-yaga keitou biuta kina e vakaraitaka neitou dina vei ira nai taukei ni qele e na veivuke kei na veivakatorocaketaki e na veivanua keitou veiqaravi kina,” kaya o koya.

“E na 2013 keitou na cakacaka vata kei ira na kena dau e na vuli, na Tikina Namosi Landowners Committee (TNLC) kei ira na dauveitokoni me deuci vakamatau kina na macala ni veitarogi, kei na kena vakayagataki vinaka na neitou porokaramu me laurai ni sa laki yaga nai lavo ka me laurai na vuana vei ira na ciqoma kei na Yasana.”

O Leone Tauleka mai Namosi ka mai vakacavara nona postgraduate studies mai na veivuke nei NJV e vakavinavinakataka na kabani e na vuku ni porokaramu.

“Na veivuke oqo e sai takele ni veivakadeitaki vei ira na gone ni Namosi kei na Tikina o Waidina mai Naitasiri e na nodra vukei vakailavo me ra vuli ka vakacavara sara vakavinaka. E vukei ira talega me ra tauca na vua ni nodra tatadra ka me ra kunea nodra gaunisala vakacakacaka,” kaya o koya.

Dua na gone ka sa mai rawata talega nona vuli mai na veivuke e solia o NJV o Rosalia Kalouniuca mai na koro o Navunikabi, e Namosi ka mai soli vua na sitivikiti ni qasenivuli e na yabaki sa oti mai na Corpus Christie College.

“Mai na veivuke ni vuli e soli vei au, au sega kina ni leqataka noqui curucuru ka laki vakavuna meu vakacavara vakavinaka,” kaya o Rosalia.

Na vakamacala ni Porokaramu ni Veivuke ena Vuli e sa tiko e na website www.njv.com.fj