Volayaca ni veidigidigi ena NJV Waisoi Camp
Vakayagataki e $130,000 ena i matai ni wasewase ni vuli ena vuli torocake
June 7, 2012Tavoca o NJV na nona ‘website’ Vakaviti
July 25, 2012
E mai vakarautaka o Namosi Joint Venture (NJV) tena macawa oqo na vanua me caka kina na volayaca vakalivaliva (EVR) vei ira na sivia e 70 na tamata cakacaka, daunikonitaraki,kei ira na lewe ni vanua ena Waisoi Camp mai Namosi.
E kerea na veivakadonui o NJV mai vua na Roko Tui Namosi, o koya ka liutaka tiko na cakacaka ni volayaca e na Yasana, de rawa me mai caka na volayaca ena Waisoi camp ka sa vakadonui vakakina.
Sa mani kerei ira kece nona tamata cakacaka o NJV mera kauta mai nai vola kecesara e gadrevi me baleta na cakacaka ni volayaca.
Ratou le-va ( 4) na vakailesilesi ni volayaca e ratou yaco yani ena keba mai Waisoi ena siga Vukelulu nai ka 11 ni Jiulai me baleta na volayaca.
Kaya na Kitchen and accommodation supervisor o Maria Samuels ni marautaka na volayaca e mai caka oqo me bau oka talega kina o koya.
“Oqo sa dua na veivuke levu vei keimami ni sega tale ni keimami lako sobu tale ki taoni. Au sa marau vakalevu ni soli vei au na gauna vinaka oqo,†kaya o koya.
Kaya na NJV Country Manager o Greg Morris ni dodonu ni veidigidigi e yavudei nibula galala, ka gadreva na Kabani mera volayaca kece na nona tamata cakacaka veitalia ga na yawa ni vanua era tu mai kina.