Vakayagataki e $130,000 ena i matai ni wasewase ni vuli ena vuli torocake

Sa tekivu ciqoma tale tiko na Namosi Joint Venture na i vola kerekere ni veivuke ni curucuru ni vuli ena i karua ni wasewase ni vuli ena vuli torocake.

Na veivuke ni vuli oqo e vakagolei vei ira na gone vuli ena Yasana ko Namosi kei na Tikina ko Waidina ena Yasana ko Naitasiri ka era via tosoya na nodra vuli ena veikoronivuli torocake kei na vuli tara.

Na i tuvatuva ni kena kerei na veivuke ni vuli oqo kei na fomu ni kerekere e rawa ni na tauri mai na mona livaliva (www.njv.com.fj), mai na vale ni volavola ni NJV e Suva kei iratou na i vakalesilesi ni Tikina Namosi Landowners Committee (TNLC).

Na i vola kerekere taucoko me baleta na i karua ni wasewase ni vuli ena yabaki oqo, 2012 me na yaco yani ena i 23 ni Julai 2012.

Na NJV e vakayagataka e $130,000 kivei ira e lewe 119 na gone vuli ena i matai ni wasewase ni vuli ni yabaki oqo 2012.

Na i lavo oqo e vukea na kena saumi na i curucuru ni vuli vei ira na gone era vuli ena Univesiti ni Ceva ni Pasivika, Fiji National University, Corpus Christie Teachers College, APTEC, Pasifika Institute of Tourism kei na NZPTC.

E kaya na Country Manager ko Greg Morris, ni NJV e vakabauta sara vakalevu na yaga ni vuli.

“ Oqo e tiki ni neitou veiqaravi ena nodra vakatorocaketaki na lewe ni vanua ena vanua keitou dau cakacaka kina”, e kaya ko Mr Morris.

“Keitou vakauqeti ira taucko era via kerekere mai mera wilika vakavinaka na i tuvatuva e virikotori tiko ena vuku ni veivuke ena i curucuru ni Vuli me matata vei ira me rawa ni na vukei ira ena nodra kerekere”.

Na NJV e solia e $276,000 ena veivuke ni curucuru ni vuli ena yabaki 2011.

Vakatataro ni tukutuku:

Stanley Simpson, NJV Public Affairs and Communications Manager ena email

Stanley.simpson@newcrest.com.au Talevoni veikauyaki: 7070925