Na Veivosaki Ni Kelikeli Mai Namosi Me Na Tomani Tiko

Ena vakuri tiko ena mua ni Janueri na veivosaki ni EIA vata kei ira na lewenivanua me baleta na vakatutu ni kena keli na na koula kei na kopa mai Namosi kei Naitasiri.

Na cakacaka mai Waisoi e yaco tiko ga ena vakadidike ena gauna oqo.

Na i naki ni Veivosaki ka tarava e gadrevi me vakamacalataki kina na veika e nanumi me baleta na kelikeli kei na nodra nanuma na lewe ni veikoro kei ira era kauwai mai kina. Na i tukutuku eso mai waisoi ena okati kina na i rairai ni qara ni kelikeli, na vanua e nanumi me tiko kina na vanua ni kelikeli, na qara me vakadrodroi kina na vatu lusi kei na wai ni kelikeli, na vanua me dabe kina na idini ni livaliva, na ta ni gaunisala kei nai tuvatuva ni kena qaravi na veika e tu wavoliti keda.

Na vakadidike ni EIA ena vukea ke rawa ni keli na vatu talei me kua ni vakatubu leqa, ia me rawa i lavo talega me veisotari vata kei na veika e gadrevi me yadrava na veikabula e tu wavoliti keda.

Na vakadidike ni EIA e vinakati mai na Matanitu ka vakarautaka na Golder Associates, e dua na kabani tu vakaikoya ka kilai e vuravura. E cakacaka vata kei na tabana ni Institute of Applied Science ena Univesiti ni Ceva ni Pasifika.

E okati ena vakadidike ni EIA na veivosaki vata kei ira na lewe ni veikoro volekata na vanua ni cakacaka kei ira era kauwai ena cakacaka oqo.

E wili talega ena EIA na kena dikevi na veivunikau kei na manumanu, veiuciwai kei na veika bula, na kilai ni rorogo kei na kuvu, na veitosoyaki ni motoka , na vulici ni bula vakaitikotiko na yavu vakavanua kei nai tuvaki ni bula ena gauna oqo.

Na veitukutuku taucoko e kilai ena vakadidike ni EIA ena vakadikevi me laurai na revurevu e rawa ni yaco ka davo talega nai tuvatuva me yadrava na revurevu. Na macala taucoko ni vakadidike oqo ena veivosaki taki tale kei ira na lewe ni vanua.

Esa na qai vakatulewa na manitu ko Viti ena kena tekivu na cakacaka kei na veiyavu eso me muri kevaka me sa tekivu. E sa na qai vakatulewa na NJV se rawa ni yaco na kelikeli se sega.

Ena qai tabaki ena niusiveva ka kacivaki ena walesi na veigauna eso ena vakayacori kina na veivosaki ni veika e baleta.

Na Vakatataro Ni Tukutuku

Stanley Simpson- NJV Public Affairs and Communications Manager se email:

stanley.simpson@newcrest.com.au

Mobile: 7070925